Velkommen til dåp i Forsand kyrkje!. Det går an å ha dåp på dei fleste gudstenestane gjennom året. Påmelding til dåp gjer du elektronisk HER. Her finn du samla påmelding for alle kyrkjene i Sandnes prosti.
Har du spørsmål må du gjerne ta kontakt med oss på kyrkjekontoret, tlf. 51700170 eller mail: forsand.sandnes@kirken.no
Les meir om dåp her.
Utlån av dåpskjolar
Kyrkjekontoret har dåpskjolar til låns om nokon treng det.
Litt Forsandhistorie følgjer desse:
Det var bondekvinnelaget i Forsand som leigde ut kjolane. Den første dåpskjolen til bodekvinnelaget blei sydd av Aagot Løland ca 1960. I 1962 kom det tvillingar på Løland, og då sydde Aagot ein kjole til. Ho hadde stellet av kjolane i fleire år. I 1974 vart det bestemt at ein skulle få sydd 2 dåpskjolar til, då den eldste var svært sliten. Ein trur det var Inger Søderlund som hadde hytte på Oaland, som sydde desse.
Bondekvinnelaget i Forsand er nedlagt, og kyrkjekontoret var heldige å overta dåpskjolane etter at Ingeborg Berge hadde hatt stellet av dåpskjolane ei årrekke. Mange Forsandbuar er blitt døypte i ein av desse kjolane. Sidan kyrkjekontoret overtok desse i 2010 har dei vore brukt nokre få gonger. Men har du eit dåpsbarn som treng dåpskjole er dei til låns gratis:-)